Register
|
Sign In
South Africa
Search:
Foods
Recipes
Fitness
Members
My Fatsecret
Foods
Recipes
Fitness
Community
Community
Members
salmakimmh
Journal
salmakimmh's Journal
salmakimmh's Profile
|
Weight History
1 to 5 of 9
Page:
1
2
Next
16 August 2020
مع انه نزلت ٣ كيلو جيت اوزن انهاردة لقيت نفسي زدتهم مع انه معكتش خالص
كنت دايما بتخض ف الاول قبل ماعرف حقيقة انه
بعد ما الخلية الدهنية بتنزل الدهون بتعبي شوية مية
لفترة و بعدين بتنزلهم
عشان كده شرب المية مهم و عشان كده برضو انه نستمر ع الدايت اهم من الدايت نفسة
ولو حصل معاكم حاجه ذي دي ٥ ايام بالكتير وهتلاقي وزنك رجع ذي ماهو تاني وكمان اقل
وكمان للبنات ممكن يكون احتباس سوائل قبل فترة الدورة و بعد ماتخلص برضو هينزل الوزن ذي ماكان
عشان كده متيأسوش وكملو 🤸
(2 comments)
14 August 2020
انا من الناس اللي بقت بتكرة السلطة جدا من ورا دايت السلطة و الحاجات دي
و طبعا السلطة فوايدها كتير و الخضروات مفيدة وفيها الياف
وبتشبع و بحب اكلها وانا جعانة جدا واشبع عليها وبعدين اكل اللي انا عايزه بكميات معقولة عشان ما اعكش ف نشويات بكمية زيادة عن اللزوم
ف بقيت يأما اسلق خضار ذي الكوسا و الجزر و ابدأ بيهم الاكل وطعمهم حلو اوى علي فكرة او بطبخ بامية او بسلة مع الطماطم و بتكون ذي شوربة عشان صلصة الطماطم و في نفس الوقت خضار يشبع
او اعمل سلطة عادية بس احط فيها حاجات بحبها ذي الحمص او الترمس وبحط خس و اوراق السبانخ و احط نص ملعقة صغيرة زيت زيتون وبيديها طعم تحفة و رشة ملح
وبكدة بقيت اتقبل السلطة
(5 comments)
12 August 2020
لية دايما لما بخس وبوصل للوزن اللي عوزاة برجع اتخن تاني و يمكن معاه ٢ او ٣ كيلو زيادة؟
كنت دايما بسأل نفسي السؤال دة و اقول ازاي الناس الرفيعة بتفضل رفيعة ..طبعا فية رفيعين بياكلو و مبيتخانوش بس دول مش الفئة اللي بتكلم عليهم
انا بتكلم ع اللي زينا او اللي خسوا ومرجعوش ذي الاول
و بعد قراية كتب عن التغذية بالانجليزي و بالعربي
اكتشفت دة
.
١- الاكل الصحي مبيخسسش و الاكل اللي مش صحي مبيتخنش
"بختصار لو زودت ف الاكل الصحي هتتخن و لو زودت من الاكل اللي مش صحي هتتخن برضو ..ف كل اي حاجة باعتدال
٢- اعمل نظام تمشي علية طول حياتك
"اغلبنا بيقول هعمل دايت ل ٣ شهور و اوصل للوزن المثالي طب لية مفكرناش اي اللي هيحصل بعد ما نوصل للوزن ده؟ اكيد هنرجع ذي ماكنا بناكل قبل كده و طبيعي نتخن تاني😃"
٣-مفيش حد بياكل براحته
"ودا بيرد ع سؤال الناس اللي بتفضل محافظة ع وزنها ده ازااي هما ببساطة مبياخدوش راحتهم ف الاكل اوي ذي مانت متخيل و عودوا نفسهم علي كده عشان كده طول عمرهم كده
وحتي لو زادو شوية وزن بيرجعوا ل عاداتهم ف الاكل و بينزلوة
.
ودي النصايح اللي طبقتها و نزلت عليهم 💜
(5 comments)
11 August 2020
لو انتِ بنت وبتحسي نفسك مفتوحة ع الاكل اثناء الدورة او قبلها
ممكن تزيدى سعراتك في الفترة دى ..اه مش هتخسي كتير بس احسن ماتزيدي ف الفترة دي
و بعد ماتنتهي الفترة دي رجعي سعراتك ذي ماكانت و كملي عادى
(1 comment)
11 August 2020
الناس بتفتكر انه لازم رياضة عشان تخس !
لكن الحقيقة لا الرياضة بتنحت الجسم عشان يكون شكلة حلو لما تخس لكن مش حاجة رئيسية عشان تخس
طالما بتاكل اقل من سعراتك هتخس حتي لو معملتش رياضة
(2 comments)
salmakimmh's Weight History
View Complete History