بلاش الحاجات دي فعلا مش بتجيب نتيجة
شوفي يا ستي .. اهم حاجة انك تعرفي بتاكلي اد ايه سعرات بالظبط في اليوم
عشان تعرفي تظبطي من هنا
خدي اسبوع او اتنين او اكتر كمان مش ريجيم بتتعلمي فيهم حساب السعرات و تعرفي انتي بتاكلي كام سعر في اليوم متوسط
يعني بتكتبي كل حاجة بتاكليها و تعملي بحث علي النت ١٠٠ جرام رز ابيض كم سعر، ١٦٠ جرام فراخ كم سعر و هكذا و تكتبيهم
حتثبتي يوم واحد فقط صباحا قبل الفطار و قبل المشروبات و بعد دخول الحمام توزني فيه و تكتبي وزنك
بعد مرور اسبوع من الوزن و حساب السعرات حتشوفي وزنك
لو بيزيد او ثابت حتنزلي ١٠٠ الي ١٥٠ سعر فقط يوميا من اكلك مهما كان زيادة عشان التدريج لمدة اسبوع و ترجعي توزني لو ثابت او زيادة تكرري نفس الخطوة لغاية اما يبتدي ينزل من ٢٥٠ الي ٥٠٠ جرام اسبوعيا و هكذا
حتعملي يوم واحد فقط بعد يوم الوزن يوم فري عشان الملل و كسر الروتين بس ميزيدش عن يوم بأي حال من الاحوال
و تبتدي تزودي حركتك بالتدريج برضو مهم جدا
انوي و توكلي علي الله و الوزن حينزل حينزل
بياخد وقت طبعا بس لما حتشوفي النتايج الموضوع يستاهل المجهود
و بالتوفيق ان شاء الله