Weigh In record (no journal entry) for 05 September 2022
|
Comments
بعد مانزلت من ٨٥ كيلو ل ٦٥ كيلو لقيت النزول مستمر ل ٦٤ كيلو .. فقررت أرفع التحدي و انزل ل ٦٢ كيلو .. ماهي زاطت بقي 😃😃
05 Sep 22 by member: waseem naser
|
كنتي ماشية علي نظام ايه و النزول في فترة قد ايه؟
05 Sep 22 by member: rashasamir2
|
حضرتك معاك واحده نزلت من ٩٣ ل ٦٣ 😂😁وفضلت ثابته عليهم من ٤ سنين وف شهر واحد بس هوبا زدت ل ٧٥ حاليا نزلت ل ٧٠ بس مش قادره انتظم خالص مش عارفه لي
06 Sep 22 by member: fallk.
|
Rasha النظام بتاعي ببساطة إني أحسب السعرات اللي جسمي محتاجها عشان يفضل وزني ثابت .. و أكل عدد أقل منها
و عدد السعرات اللازمة للجسم بيتحدد بناءاً علي الطول و الوزن و السن عن طريق موقع BMR calculator
يعني انا جسمي محتاج يوميا ١٥٠٠ سعر حراري عشان يقوم بوظايفه .. فخليت الاكل بتاع اليوم كله مايزيدش عن ١٢٠٠ سعر .. عشان ابقي حرقت ٣٠٠ .. و قومت مزود عليهم ساعة مشي كل يوم و دي تحرق ٣٠٠ سعر كمان
و مشيت علي النظام دة بقالي سنة و كام شهر يعني الوزن دة كله نزل علي فترة طويلة مش تخسيس سريع .. و بالنسبة للاكل فانا باكل اللي نفسي فيه عادي بس باركز اكتر في البروتينات زي الفراخ و الكفتة و السمك المشوي .. و لازم جنبهم إما رز أو عيش عشان الكاربوهيدرات هي اللي بتدي الطاقة للمجهود .. بس طبعا باوزن كل حاجة قبل ما اكلها عشان اعرف سعراتها .. و اقل سعرات بتكون للعيش و الرز
Fallk ماشاء الله مجهود رائع 👏👏👏
ماقدرش اعتب عليكي لان كلنا بيجيلنا وقت نفسنا نلخبط و ناكل براحتنا و انا عن نفسي لخبطت كتير و عطلت فترات بس المهم بنرجع نظبط تاني
اهم حاجة مانحرمش نفسنا من نوع اكل معين او مانحبكهاش قوي في الدايت عشان نقدر نستمر .. يعني انا باكل اكل بيتي عادي بس
06 Sep 22 by member: waseem naser
|
معلش متأكد من موضوع 1500 سعر ده بالنسبة لجسمك وسنك ونشاطك ؟!
أصلهم قليل أوي حتى لو مابتعملش نشاط خالص 😅
06 Sep 22 by member: Asmaa_yosri
|
aAsmaaAAA
اغلب المواقع طلعت ١٥٠٠-١٦٠٠ فا قررت اعتمد الرقم دة .. طول الوقت بحاول اكل اقل منه .. و يوم ما اتخطاه يبقي ١٠٠ او ٢٠٠ سعر بالكتير
بس الاهم من عدد السعرات اللي في الاكل هي جودة الاكل نفسه .. يعني انا مثلا مركز جداً مع اللحوم و الخضار عشان البروتين للعضلات .. و لما اكل حاجة حلوة تبقي مانجة و عنب و خوخ .. ماروحش استهلك السعرات في برجر و بيتزا و شكولاتة .. و بالتالي فا مش بحس بالاجهاد و مش باجوع بسرعة
لدرجة اني باكل اكل فيه ١٥٠٠ أو اقل و بامشي يوميا ساعتين و بالعب تمارين ضغط و بلانك عشان استثمر البروتين في العضلات و احرق حبة عشان اخس اسرع
06 Sep 22 by member: waseem naser
|
Menna
اكل العيش البلدي مش غلط .. بالعكس دة يمكن أصح من باقي النشويات زي البطاطس المقلية و المكرونة و العيش الفينو و الشامي .. و دة لان الردة اللي فيه بتسهل الهضم و تحمي من الامساك و تدي احساس بالشبع و في نفس الوقت زي اي كربوهيدرات بيدي طاقة عشان ماتحسيش بالاجهاد .. و مفتاح السر في لعبة الدايت باختصار اني اختار الاكثر نفعا و الاقل ضررا .. يعني في البروتينات الافضلية للفراخ ثم الاسماك ثم اللحوم .. في النشويات الافضلية للعيش البلدي ثم الرز ..في السكريات طبعا الفاكهة تتفوق علي اي حلويات عشان فيها فيتامينات و الياف تساعد علي الهضم و دة مش موجود في اي حلويات … اللي عايز اقوله ان في الدايت يجب الاهتمام بجودة الاكل اكتر من كمياته
06 Sep 22 by member: waseem naser
|
|
|
|
|
Submit a Comment
You must sign in to submit a comment. Click here to sign in.
|
|
|
waseem naser's Weight History
|