esraa yasser 1994's Journal, 21 Apr 22

زودى فالبروتين والخضروات وقللى فالنشويات على قد ماتقدرى واشربى مايه كتير  

زي ما ميرو قالتلك كده وعموما نظام الطبق المقسم بيريح الدنيا ونفع معايا في العزومات جدا نصف طبقنا خضار فريش او مستوي او الاتنين والنصف الثاني ثلثين بروتين وثلثه واصغر جزء نشويات المتوفر وبعد الاكل مباشرتا فتفوتة حلو على النفس وصيام للسحور ويكون بروتين وخضار لو تقدري تبدئي فطارك بالتمره والماء وثمرة فاكهه وكام حبة مكسرات اي نوع والاكل بعد الصلاةنريح المعده ربعايه هتلاقي نفسك شهيتك للاكل بتكون اقل وبتشبعي اسرع وابدئي دايما اكلك بالخضار والبروتين واخر حاجه النشويات  

زى ما ام حبيبه بتقول فعلا أنا برضو بعمل كده فى رمضان بالذات صعب نعمل اكل مخصوص باكل من أكل اللى بعمله بس بحاول أعمل أكل البيت عموما للولاد صحى على قد ماقدر وبدايه الفطار تمرة وكبايه ميه واقوم اصلى وبعد كده لازم السلطه على السفره ببدأ بيها مع البروتين أى كان نوعه إيه وبعد كده الخضار اللى طبخاه وبلاقى نفسى شبعت ومش محتاجة نشويات ولا رز ولا أى خبز وساعات باخد معلقة بعد كده مشروبات سخنة بدون سكر للسحور  

هحاول اعمل كده و مش هوزن الا لما اظبط الدنيا تاني ان شاء الله و الله المستعان..تسلمولي ع ردكوا 🥰❤