انا ممكن اساعدك انك ترجعي
14 Jul 21 by member: Mahmed Ahmed
|
بصي الكلام مش هيفيد لو فعلا شايفة أنك لازم تخسي قومي أتحركي مفيش حاجة ممكن توقفك كل الكسل و الكلام السلبي موجود فدماغك انتي بس الحقيقة أن مفيش حد بيحاول ومبيوصلش لنتيجة جربي تاني مش هتخسري حاجة متقلقيش إن شاء الله خير
14 Jul 21 by member: Soosss
|
بصي ياقمر انتي زيادتك مش كبيره استهدفي صحتك في المقام الاول أكل صحي وقللي نشويات ومصنعات ومعجنات لاقل شيء ممكن والعبي رياضه في البيت مش شرط جيم النت مسبش حاجه ومشي انتو لسه صغيرين ده سن الحركه والرياضه وشيلي فكره عاوزه اخس لأ انا عاوزه اكسب صحتي والوزن المثالي هيجي هيجي لو مشينا صح فكري لما تيجي تاكلي حاجه هل هتنفعني وتغذيني ولا ملهاش قيمه خديها كده وبالتدريج هتتعودي
خليها اسلوب حياه لسه قدامك حجات كتير في المستقبل بتاخد من صحتنا لو محفظناش عليها وقوناها استعداد للمراحل الجايه من حياتك ربنا يمتعك بالصحه والعافيه دوما ويحقق كل امنياتك 💪💪💪
14 Jul 21 by member: Om habiba2020
|
واحدة واحدة ابدأي بالتدريج كل حاجه بتيجي براحه متتخانقيش مع جسمك محدش بيجري وراكي
لو كارب مع صيام متقطع بالتدريج ومشي خفيف كده كل يوم هيعمل نتايج كويسه
بس ابعدي عن الميزان مرة ف الشهر ولا حاجه بس
14 Jul 21 by member: Asmaa_yosri
|
صور قبل وبعد هتفرق معاكي جدا
14 Jul 21 by member: Mahm@ud Sayed
|
اللوكارب دا نظام إبتدائي لأي حد بيبتدي دايت جديد لانه نظام تدريجي مينفعش اجي مره واحده امنع الكاربوهيدرات والسكر مره واحد لان الجسم بيكون متعود على حرق الجلوكوز سواء من الكربوهيدرات او السكر
فعلشان اغير آلية الجسم من الاعتماد علي الجلوكوز الي حرق الدهون (الكيتوز) بتعامل كدا تدريجي مع الجسم
لان الشخص مننا متعود على الكربو بنسبة كبيرة في الاكل ودا بيتهضم بصورة اسرع واسهل من البروتين والدهون بالتالي الشعور بالجوع بيكون اسرع لذلك الترج مع الموضوع بيكون هو الحل الامثل للمرحلة دي
فبنقسم الوجبة لنصفين 50% كربو
25%بروتين 25%دهون صحية
الكربو بنختار الكربو النظيف زي الشوفان البطاطا الحلوه الخضار بكل انواعه
ونقلل تدريجي من الكربو الغير نظيف زي الدقيق الابيض ومشتقاته ( مكرونات عيش الخ...)
وكمان السكريات
لان احنا عاوزين نشتغل ع هرمونات الجسم
الكربو والسكريات بتعمل ع رفع مستوي هرمون الانسولين ف الجسم بصورة سريعة بالتالي الهرمون لازم يرجع مستوي الجلكوز ف الدم للحد الطبيعي فبيعمل ع إدخال الجلوكوز ف الخلايا ثم المتبقي يتم تحويله الي جلايكوجين يخزن ف الكبد ثم الي خلايا دهنية ف اماكن مختلفه من الجسم
ومن ثم الشعور السريع بالجوع ف حين اننا اكلنا من فترة قصيرة
تقليل الكربو تدريجي هيفعل عندنا حساسية الانسولين بالتالي لما يكون الانسولين ف مستوي متدني يفرز البنكرياس الهرمون المكمل للأنسولين الي هو هرمون الجلوتامين الي بدوره بيشتغل عكس شغل الانسولين
فعندما ينخفض مستوي الجلكوز ف الدم للحد الادني يفرز هرمون الجلوتامين الذي بدوره يعمل علي تحويل الجلايكومين المخزن في الكبد الي جلوكوز ثم تحويل (حرق) الخلايا الدهنية الي كيتونز واعتماد الجسم عليها كمصدر للطاقة افضل من الجلوكوز
طريقة الصيام بتكون ايضا تدريجية إبتاء من 12 الي 14 ساعة صيام ثم 12 الي 10 ساعات فطار لمدة اسبوع الي اثنين
ثم من 16 الي 18 ساعة صيام و 8 الي 6 ساعات فطار
يكون الجسم قد تعود تدريجيا علي تقليل الوجبات وايضا اصبح اعتماده ع الحرق غير مرتبط بالجلكوز فقط
ف المرحلة دي هنغير ف محتوي الكل حبه ونقلل الكاربو من 50% الي 30%
الدهون الصحية 20% ( الذبدة البلدي والسمن البلدي ذيت الزيتون ذبدة جوز الهند صفار البيض و البندق اللوز عين الجمل الكاجو وممكن الفول السوداني بدون ملح وغيرها) البروتين 50%
احنا بنعرف جسمنا محتاج كام سعر حراري ف اليوم ونقلل عن الاحتياج بتاعنا 500 س. ع
اثناء الصيام ممنوع اي مشروبات فيها سكر او تدينا سعرات حرارية
نشرب مياة كتير كتير اوي
شاي بدون سكر سواء احمر او اخضر
قهوة سادة وغيرها
لان لو دخل جسمنا اي حاجة فيها سعرات حرارية هتخلي عملية الحرق للدهون تقف والجسم يحرق من الي دخل له وبالتالي مستفدناش من الصيام
ويارب اكون عرفت اقول حاجة مفيدة
15 Jul 21 by member: GaMaL Eldeen
|
ممكن تعتبري نفسك بتبتدي من جديد
15 Jul 21 by member: GaMaL Eldeen
|
@GaMal Eldeen شكراً جداً جداً لحضرتك والله ربنا يجازي حضرتك خير🖤
24 Jul 21 by member: RahmaMohamed234
|
@مشكلة
فعلا حضرتك عندك حق
24 Jul 21 by member: RahmaMohamed234
|
@aAsmaaAAAaaa شكراً ليك حبيبتي وان شاء الله اعمل كده بإذن الله
24 Jul 21 by member: RahmaMohamed234
|
@om habiba2020 شكراً جدا لحضرتك طنط أم حبيبة وحضرتك معاكي حق ربنا يكرم حضرتك وشكراً ع الدعوات الجميلة دي🥰🥰🥰🥰
24 Jul 21 by member: RahmaMohamed234
|
@soosss فعلاً والله انا خلاص اخدت القرار وبإذن الله مرجعش فيه بتشجع جداً من البرنامج ده فعلشان كده حبيت أي حد ينصحني
24 Jul 21 by member: RahmaMohamed234
|
@Mahmed Ahmed
شكراً لحضرتك ياريت لو أمكن🖤
24 Jul 21 by member: RahmaMohamed234
|